منتدى الفرح المسيحى - خلى بالك ياواد من اخوك

https://upload.chjoy.com/uploads/168482681829471.jpg

خلى بالك ياواد من اخوك
دى اخر جمله هاقولهالك
اخوك بكل اللى حبوك
وهو الوحيد اللى ابقالك
اخوك يا واد يعنى سندك
ووقت الغياب هيبقى بدالك
حتى لو مكنش جدع وياك
وحاله كان اقل من حالك
برضوا متفرطش ابدا فيه
وامسك فيه بايدك وسنانك
ياابنى مفيش حد تثق فيه
وميبوصلكش ويحسد مالك
زى اخ طيب تعتمد عليه
وافتكر انه عم لعيالك
اوعى ياابنى تهين صورته
واوعى أبدا تقل من قيمته
او ينزل من نظر عيالك
ولو حصل دا يوم ياابنى
يبقى ساعتها لوم حالك
عامل اخوك بالمعروف
هو لمعروفك ياابنى ابقالك
وافتكر كلام قالهولك ابوك
لما قالك دا سندك وابقالك
وعشان عضم التربه ياابنى
اديلوا حبه لو خير جالك
ومتستخسرش فيه حاجه
مش امك دعيتله زمان
وكانت برضوا دعيالك
وقالتله ياواد مفيش ليك
غير اخوك جمبك ويحميك
وروح ربنا يبارك فيه ياواد
وربنا يبارك كمان فيك
اخوك ابن امك وابوك
ف الدنيا هو رسمالك
وهو ياواد حالك ومحتالك

منقول