منتدى الفرح المسيحى - إعلن إيمانك في صرخة اللي قال قد أكمل

https://upload.chjoy.com/uploads/171433844233321.jpg

من بين الصرخات اللي اتكلم بيها الرب يسوع المسيح على الصليب
"قد أكمل"
دي كانت الكلمة قبل الأخيرة..
قد أكمل في أصلها اليوناني بتستخدم في المحاسبة..
بمعنى إن كل شيء تم سداده.. أي حاجة ناقصة تم سدادها
.. ومش بس ديون اتدفعت واتسددت..
لكن الجرح اتشفى.. القيد اتفك.. أي إلتزامات تم التعامل معها..

علشان كده باشجع نفسي وباشجعك لو لسه جواك صرخة.
. جواك تنهيدات هتكسر ضلوعك..
بسبب خطاياك.. ضعفاتك.. سقوطاتك المتكررة..
وده سبب ليك جروح عميقة مش قادر تتعامل معاها..
بتحاول وبتجتهد تغير نفسك.. وتسدد اللي عليك علشان ترتاح من الشعور بالذنب..

باشجعك.. المسيح صرخ وقال "قد أكمل"
خلاص دفعت كل شيء.. حسابك اتسدد يا ابني

صرخة يسوع المسيح كفاية.. مش محتاج إنك تصرخ..
انت محتاج تصدق.. تؤمن بإبن الله الحي.. تؤمن بكفارته وفداؤه..
تصدق في الحرية اللي فيه ومن خلاله بس..
تصدق في نعمته المخلصة المحررة..

باشجعك توقف صراخك وإعلن إيمانك في صرخة اللي قال قد_أكمل

-