منتدى الفرح المسيحى - 4 تمارين ذهنيه للتخلص من الاباحية

https://upload.chjoy.com/uploads/16606810519651.jpg

لما جسمنا بيدمن أكل ويعاني من الأمراض والسمنة،
غالبًا بنحتاج نمرنه على عادات جديدة صحية،
وتمارين رياضية يلعبها وهكذا..
كذلك الأمر مع إدمان الإباحية، بيحتاج الشخص يمرن عقله
علشان يتخلص من الإبا*حية اللي سيطرت عليه.
دول ٤ تمارين لو قدرت تعملها بانتظام هتساعد عقلك
ونفسك مساعدة كبيرة جدا 👇
١. الذكرى الأولى ☝️
حاول ترجع لأول مرة اتعرضت فيها للإبا*حية،
كانت ايه مشاعرك؟ ايه اللي صدمك؟ ايه اللي حسيته وقتها؟
وبعدين حاول تتخيل لو مكانش دا حصل
كان هيبقى حالك ايه النهاردة؟ (اكتب دا بأي طريقة تعجبك)

٢. تخيل إنك أبوك 👴
المرة دي هتتخيل انك أب اللي اكتشفوا ان ابنهم
او بنتهم بتتفرج على مواد ابا*حية.. فكر كنت هتعمل ايه؟
هتحس بإيه؟ هتتصرف إزاي؟

٣. اسمع مشاعرك 👂
من أول المشاعر اللي عديت بيها اول مرة لحد المشاعر
اللي كانت بتتكرر قبل كل مرة وبعدها،
مشاعرك ناحية نفسك واهلك .. وهكذا

٤. اعترف بصدق 🗣
جرب كدا تفصل المواقف اللي كنت فيها ضحية بجد
(ضحية أهلك، حد من قرايبك، او اي طرف او شخص تاني)
وبين المرات اللي كنت فيها غلطان واغتصبت حق
مش حقك وتعديت حدودك بدون اي مبررات!