منتدى الفرح المسيحى - رجاء محبه للخدام

https://upload.chjoy.com/uploads/17041853425541.jpg

رجاء محبه نخلي بالنا وبلاش الكلام دا

لما يجي لك مخدوم من كنيسه تانيه أو بقالوا فتره غايب
عن الكنيسه ورجع في وقت حفله أو في مناسبه زي الأعياد مثلاً

بلاش نعامله وحش ونفضل رايحين جايين نبصله
ونقول أصل هو من كنيسه تانيه
وجاي علشان ياخد الهديه أو مش بيجي وجاي علشان الحفله ✋🙏

وتعالوا نفكر صح ونستغل ده بأننا نرجع أولادنا .
. ايه المشكله لو جاي علشان الحفله
أو جاي علشان الهديه دي حاجه حلوه

وننتهز فرصة انه جه واكسبه وارجعه تاني لكنيسته
أكتب اسمه واعرفه وانزله افتقاد ويبقى كسبنا نفس كانت تايهه
مننا ♥️

خلينا متفقين أن احنا مش بنعمل ده فضل مننا أو بنديهم حاجه من عندنا ولكن دي بركة ربنا وهو إللي بيبعتها لأولاده يبقى إزاى أنا امنعها عنهم ؟!

"وَلكِنْ مَنْ أَنَا، وَمَنْ هُوَ شَعْبِي حَتَّى نَسْتَطِيعَ أَنْ نَنْتَدِبَ هكَذَا؟
لأَنَّ مِنْكَ الْجَمِيعَ وَمِنْ يَدِكَ أَعْطَيْنَاكَ." (1 أخ 29: 14).

وخلينا عارفين ان أى حاجة بتتقدم
هي بتتقدم لرب المجد بنفسه ويقولنا الكتاب المقدس ....

"فَيُجِيبُ الْمَلِكُ وَيَقوُل لَهُمْ: الْحَقَّ أَقُولُ لَكُمْ:
بِمَا أَنَّكُمْ فَعَلْتُمُوهُ بِأَحَدِ إِخْوَتِي هؤُلاَءِ الأَصَاغِرِ،
فَبِي فَعَلْتُمْ." (مت 25: 40).

وافتكروا أن اللى بيزرع بالبركات فبالبركات يحصد 👇

"هذَا وَإِنَّ مَنْ يَزْرَعُ بِالشُّحِّ فَبِالشُّحِّ أَيْضًا يَحْصُدُ،
وَمَنْ يَزْرَعُ بِالْبَرَكَاتِ فَبِالْبَرَكَاتِ أَيْضًا يَحْصُدُ." (2 كو 9: 6).