منتدى الفرح المسيحى - الكوبايه دي هتتحط بين ايدين ربنا

https://upload.chjoy.com/uploads/17105350213111.jpg

واحد عامل ناصبه بيبيع فيها شاى و بسكويت على طريق سريع بيسترزق منها .
. عدى عليه راجل بسيط و قاله نفسي اشرب كوبايه شاى و مش معايا غير ٢ جنيه
.. قالها و هو باصص فى الارض مكسوف و متوقع الرفض .
. صاحب الناصبه رد عليه ( حاضر . ها أعملك أحلى كوباية شاى و خلى فلوسك معاك ) .
. صاحب النصبة طلع من عنده اشيك كوبايه بيعمل فيها الشاى للزباين الأغنياء ..
الصبي بتاعه قاله ها يشرب الشاى ببلاش و كمان فى كوبايه من الكوبايات الغالية .
. رد عليه و قاله ( كوبايات الزباين دى بتتحط فى ايدين الناس ..
انما الكوبايه دى ها تتحط بين ايدين ربنا و ربنا ليه احلى حاجه عندى )
و عمل للراجل الغلبان كوباية الشاى .
. فجأه وقف اتوبيس رحلات و نزل منه اكتر من ٥٠ شخص و طلبوا شاى
و خلصوا البسكويت اللى عنده كله .
* * كل ده حصل فى خمس دقايق ..
خمس دقايق فقط تجلت فيهم الانسانيه و العطاء فى انسان بسيط
و تعويض ربنا الفورى له .. يا الله