منتدى الفرح المسيحى - البارنويا

https://upload.chjoy.com/uploads/171062589994891.jpg

أو مايعرف بجنون العظمة أو جنون الارتياب
الشخص هنا دايمًا بيشك فى اللى حواليه
وبيفتش وراهم وأى حد يقرب منه علطول
بيفكر هل مخلص ولا ورا تصرفاته هدف خفي
فدايمًا بيشوف إن اللى حواليه عايزين يأذوه
وفى تهديدات ضده وبيفسر أى حاجة تحصل حواليه
إنها تأكيد لأوهامه حتى شريط التلفزيون
أو الصحف بيشوف فيها رسايل تهديد ليه وده
لأنه بيعتقد إنه شخصية مهمة والناس عايزة تأذيه
مش بيسامح نهائي وده لأنه من المستحيل ينسى
أى مشاعر سلبية مر بيها
أنواع البارنويا
١: ارتياب الشخصية المرتابة
وده أخف نوع وهو اللى بيشك
فى اللى حواليه ودايما حاسس بتهديد
٢:اضطراب الأوهام
وده أحد أنواع الذهان والشخص بيكون عايش
في الوهم ومقتنع بيه زى أن شخص بيتجسس عليه
أو عنده مرض معين بالرغم من إن الدكاترة
والتحاليل بتأكد انه مش مريض
٣: انفصام الشخصيه البارانويدى
ده أشد نوع.. هنا الشخص بيعاني من هلاوس
سواء سمعية أو بصرية
وهنا بيحتاج علاج لمدى الحياة