منتدى الفرح المسيحى - مصدقين فيك واللي جاي أهدأ

https://upload.chjoy.com/uploads/170264578816091.jpg

كل مرة قولنا فيها كلمة (ياريت)
ياريت السنين ترجع بينا كنا إختارنا طرق غير اللي إحنا فيها
ياريت ماكنا إتسرعنا في إختيار علاقات عملت تدمير جوانا

ياريت ربنا منعنا بقوة عن كل تدبيسة دبسنا فيها نفسنا فخسرنا كتير
ياريت اللي حبونا إستمروا على حبهم ومكنوش خذلونا
ياريت اللي راح ينفع يتنسي.. ينفع يتشال من جوه جوه دواخلنا
ياريت.. و ياريت.. حاجات تانية كتير

عوضنا يا إلهنا بقصة جديدة أحداثها بسيطة من غير شد وجذب
ماعدناش نتحمل حبكات درامية.. ولا أكشنات صاخبة

عوضنا بأجواء صافية هادية.. بأفكار نورانية راسية
رسَينا لشطوط آمنة.. لبراري مزروعة ينفع نتمدد فيها ونرتاح
عوضنا بقربك لينا.. بقعدات معاك

مصدقين فيك واللي جاي أهدأ