منتدى الفرح المسيحى - قداس احد الشعانين يتميز ب ٣ حاجات مش موجودة في باقي قداسات

احد_الشعانين 🌿

https://upload.chjoy.com/uploads/17142465030271.jpg

🌱 قداس احد الشعانين يتميز ب ٣ حاجات
مش موجودة في باقي قداسات السنة زي ...

🌱 دورة الشعانين : في بداية القداس
عبارة عن دورة وبيكون الشمامسة ماسكين
فيها اغصان الزعف وبيمروا فيها أمام ١٢ مكان في الكنيسة
أمام الايقونات زي العذراء مريم والبشارة والقديس مار جرجس والأنبا أنطونيوس والقديس يوحنا المعمدان ومار مرقس الرسول والملائكة وايقونة الاباء الرسل وباب الهيكل والباب البحري والقبلي وعند مكان اللقان.

🌱 قراءة ٤ فصول من الإنجيل:
وبيكون قداس احد الزعف القداس الوحيد في السنة كلها
بيتقرا فيه الاربع اناجيل لأن الحدث ده مذكور في البشائر الأربعة..
. ورقم ٤ يعبر عن جهات العالم الشمال الجنوب الشرق والغرب.
وان السيد المسيح جاء ليدخل كل قلب في جهات العالم.

🌱 الجناز العام
وده بيكون بعد ما يخلص التوزيع ويُصلى بالطقس الحزايني
ونستعد به لأسبوع الآلام فلو انتقل حد خلال الفترة دي
والكنيسة في اسبوع الالام فلا يكون جناز بل نكتفي برش ماء الجناز العام وحضور ساعة من ساعات البصخة .
Happy palm Sunday"