|
 |
 |
 |
|
رقم المشاركة : ( 1 )
05 - 11 - 2016, 11:15 PM
|
|||||||||||
|
|||||||||||
|
عارف يعنى ايه ربنا .. يعنى الشمس تطلع كل يوم .. عشان تبدأ يوم جدبد لكل البشر .. من غير ماتميز هى هتشرق على مسيحى ولا مسلم .. على مؤمن ولا ملحد يعنى المطر ينزل فى ميعاده .. يروى ارض الشرير والطيب .. يروى ارض العاصى واللى ماشى فى طوع ربنا يعنى الهوا محاوطك فى كل وقت .. عشان تتنفس .. مش فارق معاه انت اخوان ولا سلفى .. قبطى ولا ازهرى يعنى تركع وتصلى وتطلب .. وربنا يديك اللى انت عايزه .. المسيحى بيشكر .. والمسلم فرحان .. حتى الملحد بياخد اللى نفسه فيه ربنا احكامه فوق الكل .. على أد علو السما عن الأرض .. اهى طرق ربنا واحكامه اعلى كمان .. عن طرقنا واحكامنا مايبقاش ربنا بيساوى بينّا .. واحنا بنتعالى على بعض المسلم اسمه .. بنى آدم والمسيحى اسمه .. بنى آدم الملحد اسمه .. بنى آدم يعنى احنا من اصل واحد .. واللى خلق الأصل الواحد ده .. الله الواحد طلّع آدم اللى جواك .. وحاسب نفسك صحّى ضميرك لو نام .. واعمل اللى عليك انت واحد من مليارات العالم .. صح بس انت نفسك عند ربنا .. ابن آدم عارف يعنى ايه ابن آدم يعنى ابن اول انسان ربنا خلقه .. وكلمه .. وخلّاه يتمتع بكل الخليقة لو مش عارف قيمة نفسك .. يبقى استحالة تعرف قيمة اللى حواليك او حد من اللى حواليك يعرف قيمتك .. حس باللى حواليك .. لو عايزهم يحسوا بيك لو عايز تتحَب .. حِب لو عايز تفرح .. فرّح لو عايز تطمن .. طمِّن لو عايز تضحك .. ضحّك لو عايز اى حاجة من اللى حواليك .. اعملها انت الأول 
|
|
| قد تكون مهتم بالمواضيع التالية ايضاً |
| الموضوع |
| عارف يعني أيه عوض ربنا ؟ |
| عارف يعني ايه ربنا بيحبك |
| عارف يعني ايه ربنا بيحبك |
| عارف يعني ايه ربنا يحبك؟؟ |
| عارف يعني ايه ربنا بيحبك!!!! |
العرض الشجري