10 معجزات لشفيع الطلبة أبونا بترونيوس السريانى

[mina27]

10 معجزات لشفيع الطلبة أبونا بترونيوس السريانى

(1) : مارينا عماد ” كان بيملينى الأجابة وجبت أمتياز “

أنا قبل كده أبونا بترونيوس عمل معايا معجزة فى مادة كانت صعبة وكتبت المعجزة وكنت لسة بمتحن نشكر للة وبفضل شفاعة أبونا بترونيوس جبت فى المادة دى أمتياز كمان عايزة احكى عن مادة تانية وهى المادة اللى معتمد دخول أفضل قسم فى علوم وأثناء امتحان العملى للمادة دى القراءات طلعت غلط غير كدا المعيد للمادة حصل بينا شد احنا وأصحابى يوم امتحان العملى فبعد ما خلصنا الامتحان قال للدكتورة اتوصى بيهم وطلبت من أبونا بترونيوس المادة دى أجيب فيها تقدير عشان القسم والحمد لله جبت فيها امتياز وكمان فى مادة تانية كنت ناسيه سؤالين عليهم درجات كبيرة فى الامتحان وكنت فى اللجنة متوترة مش فاكرة حاجة منهم وأثناء المراقبة بتقول باقى ربع ساعة على انتهاء الوقت انا خفت وصليت “أبانا الذى” وبعدين قولتله بص يا أبونا بترونيوس عايزاك تفكرنى بيهم يلا وفعلا حسيت حد بيملينى الأجابة وخلصت الاستنتاج الأول وبعدين قولتله يلا بقى كمل جميلك وهات التانى وفعلا كتبت الاستنتاج التانى وأول ما خلصت المراقبة قالت خلص الوقت ونشكر ربنا جبت فى المادة دى جيد جدا وهكذا فضل معايا فى باقى المواد نشكر ربنا على محبته وعلى سرعة أستجابة أبونا بترونيوس السريانى …

(2) : ن. نجاح ” كلية تربية نوعية “

انا فى كلية تربية نوعية وكنت خايفة من أخر مادة وكان نفسى اطلع بتقدير امتياز واتشفعت ب أبونا بترونيوس وطلبت منه أنى اعدي من المادة دي وأطلع بتقدير امتياز مكنتش عايزه اكتر من 85 % والنتيجة طلعت وأتفأجت انى نجحت بنفس التقدير وزيادة كمان 6% ده غير ان المادة ال كنت خايفه منها جبت فيها تقدير جيد جدا انا بشكر ربنا واشكر أبونا بترونيوس ع محبتهم اللى انا مستهلهاش …

(3) : مارينا فاروق

أنا اشكر ربنا كتير انه واقف معايا هو وأبونا بترونيوس وخلونى أنجح لانى انا كنت متأكدة أنى هشيل مواد وهعيد السنة لكن واقفوا معايا جامد وخلونى اجيب تقدير عمرى ماكنت احلم بيه اجيبوا السنة ده وواقف معايا فى امتحان الكرازه واى حاجه بتطلبها منه بتحصل بركة شفاعته فلتكن مع جميعنا أمين …

(4) : نيفين منير

عايزة احكي معجزة حصلتلي بخصوص بنتي نيفين في تالتة كلية كان معها مادتين الترم الاول “ض” وكانت الامتحانات الترم التاني صعبة جدااااا وكان انها تنجح في السنة دى شبة مستحيل أنا اتشفعت بأبونا بترونيوس وقولت حتي لوعدت بمواد انا ها اكتب المعجزة والحمد اللة بشفاعة أبونا بترونيوس بنتي نجحت ومن غيرمواد ومواد الترم الاول اترفعت شفاعتك معانا دائما يا أبونا بترونيوس يا شفيع الطلبة ..

(5) : إيهاب مكرم ” ثانوية عامة “

أبونا بترونيوس أنا أتشفعت بيت فى الثانوية العامة مع أن مستواى متوسط خلانى اجيب ” %97 ” ووقف معايا فى الأدب إللى حفظته فى الآخر بعد بالرغم انى بنساه طول السنة ومش عارف احفظه وكنت خايف اووى الأمتحانات بس وقف معايا والجيولوجيا حفظت حاجات كتير فيها ليلة الامتحان ونشكر ربنا بعد ما كنت بنقص فى امتحانات الدروس 5 درجات نقصت درجة واحدة بس يشفاعة أبونا بترونيوس شفيع المستحيلات ..

(6) : أبرام أدهم ” طالب بالكلية “

بركة الرب هي تغني ولا يزيد معها تعباً . ببركة وشفاعة العدرا أم النور و أبونا بترونيوس السريانى نجحت في أمتحانات الكلية وكان ناجحي من رابع المستحيلات ولاني اعترف إني كنت مهمل جدا ومستحقش إني انجح بجد لكن كنت ببص لأبونا بترونيوس وعدته بندر صغير وربنا يقدرني واوفيه وحقيقي ما اجمل الشفاعة واننا نعمل علاقة صداقة مع القديسين ونطلب منهم وهما بيسمعلونا ومش بينسوا طلباتنا ابدا شكرا ليك يارب وانا ما أستحقش ابدا وصلوا من أجلي اني اكون امين في دراستي وحياتي كلها شكرا يا رب على عطفك وحنانك وشكرا يا أبونا بترونيوس على شفاعتك من أجلى ..

(7) : نانسى .. ح ” دراسات عليا “

أنا أبونا بترونيوس عمل معايا معجزة انا كنت بعمل دراسات عليا وكانت الامتحانات صعبة وانا مكنتش بذاكر كويس وكنت خايفة جداااا وعرفت أبونا بترونيوس أيام الامتحانات بالصدفة من الفيس والصفحة وعرفت إنة سريع الندهة وطلبت شافعته ونجحنى بتقدير جيد وصلولي يكمل معايا بشافعتة ويوفقني وفعلا هو سريع الندهة ومبيكسفش حد ..


(8) : ك.م

عظم الرب الصنيع معنا فصرنا فرحيــــــــن انا في كلية و عرفت سيرة أبونا بترونيوس بالصدفة في الامتحانات قلتله نتيجة السنة دي عليك و كان في حد من اصحابي نتيجته مش حلوة التيرم اللي فات قلتله لازم تفرحنا الترم ده لان الامتحانات كانت صعبة و وعدته اني هكتب المعجزة و كانت فكرة النجاح بعيدة قوي و كان في كذا مادة خايفين من اننا مننجحش فيهم و لما كنت افكر كنت اقول مستحيل النجاح بس ببركة صلوات أبونا بترونيوس و العدرا ربنا اتمجد و فرحنا و نجحنا بتقدير كمان و أبونا بترونيوس فرحني في مواقف تانية كتير ….


(9) : أنجى أبرام ” ثانوية عامة “

أنا اول مرة ابعت معجزة وأول مرة تحصل معانا معجزة بشفاعة أبونا بترونيوس اخويا ف ثانوية عامة وكان قلقان من امتحان الإنجليزي وكان أول مرة يتشفع بأبونا بترونيوس وكان اول م بنادي عليه كنت بيحس انو بيفكره بالاجابات هو والبابا شنوده والبابا كيرلس ومتاكد كمان انهم هما اللي هيكملو اللي ناقص فية بشفاعتهم تكون معاه …


(10) : ج. كيرلس ” جامعة حلوان “

[b]أنا عاوزة احكيلكم على معجزة حصلت معايا أنا طالبة فى جامعة حلوان فى سنة ثالثة فى ثانى يوم فى الدراسة حصلتلى ظروف ومنعتنى من انى أروح الجامعة طول الترم الاول الا على الامتحانات وحتى مكنتش حضرت 4 أمتحانات الميد ترم ورحت علطول على امتحانات نصف السنة وكنت تعبانة جدا ومدمرة ومكنتش عاوزة ادخل الامتحانات بس حضرت الأمتحانات وكنت بخرج من كل امتحان بعيط لانى مكنتش بحل واسيب اكتر من نصف الامتحان فاضى او لو حليت كنت بحل غلط وفضلت على كدة طول الامتحانات بس كنت قبل اى امتحان بروح الكنيسة وكنت بصلى وبتشفع بالبابا كيرلس ومارمينا وأبونا بترونيوس وكنت عارفة انى هسقط وهشيل اكتر من مادتين بس ظهرت النتيجة وشلت مادة واحدة كانت رفع (45) ولو عديت الترم التانى صافى هتترفع قلت الحمدلله أنها جت على كدة وجة الترم التانى كنت بحضر كل المحاضرات والسكاشن وجة ميعاد امتحانات الترم التانى وكانت المواد اصعب من الترم الاول المهم ان كان فية 3 مواد كنت بخرج من الامتحان منهارة من العياط كنت برضوا بسيب نصف الامتحان وكنت بنسي الاجابات مع انى كنت ببقى مزاكرة كويس بس مكنتش بحل كويس فكنت خلاص متاكدة ان النتيجة لما هتظهر اكيد اكيد اكيد هعيد السنة بس انا اتعرفت على سيرة القديس أبونا بترونيوس ففضلت اتشفع بية وقلتلة لو نجحت وشلت مادتين أنا هكتب المعجزة دى وهبعتها للصفحة الرسمية بتاعتك وكانت كل صلاتى انى اشيل مادتين بس ومش أعيد السنة فنتيجتى النهاردة ظهرت والمعجزة انى نجحت بتقدير جيد والمادة بتاعة الترم الاول اترفعت وخلاص هروح سنة رابعة فعلا أبونا بترونيوس دة قديس عظيم واى حد هيتشفع بية هو كل طلباتة مستجابة عند ربنا ومعلش انا اسفة سامحونى انى طولت عليكوا بس كان لازم احكى كل حاجة بالتفصيل عشان تحسوا بعظمة هذا القديس وشفاعتة تكون معانا +++امين +++

الموقع الرسمى لأبونا بترونيوس السريانى

[Mary Naeem]

بركته تكون معنا
ربنا يبارك حياتك

[اوفا]

ربنا يباركك

[بنت معلم الاجيال]

بركة شفاعتة فلتكن مع الجميع امين

[mikhail]

In the name of the father and the son and the Holy spirit
I am in a big trouble because of my class. I worked so hard in the class and I prayed a lot. Few days ago I went to visit a church and I saw the picture of Abouna Petroniuos and I read his story and I know that he can help the students so I am asking him to help me in my problem and pray for me so the teacher can change my grade.
please remember me in your prayers. I promise if I hear back I will write it on this website

[sama smsma]

بركه صلواته تكون معانا كلنا امين

[walaa farouk]

بركة صلاته تكون معك ومع الجميع امين

[ميرنا]

ابونا بترونيوس حبيبي مستنية فرحة ليا منك ومن البابا كيرلس قريب