|
 |
 |
 |
|
رقم المشاركة : ( 1 )
22 - 02 - 2018, 10:15 PM
|
|||||||||||
|
|||||||||||
|
فى السبع أسابيع الصوم الكبير...هتلاقى.... أربع شخصيات حطتهم الكنيسة وبتقرا أناجيلهم ...ولازم هتلاقى نفسك فى واحد فيهم..! * الأبن الضال..بيقولك: مهما كانت بشاعة خطيتك اللى عملتها بكامل إرادتك فى حق أبوك...ماتقلقش..إرجع ليه ..هو واقف فى الشُباك يبُص عليك ومستنيك..عايز يلبسك خاتم البنوة وماتُستعبدش..!  المخلع..بيقولك: مهما كانت مدة خطيتك اللى عايش فيها عُمرك كله ولو 38 سنة..ماتستسلمش..قوله أُريد ياسيد..هو جاى يدور عليك لما الكل إتخلى عنك ومستنيك..عايز يشفى نفسك وجسدك وماتموتش..!  * السامرية..بتقولك: مهما كان تكرار خطيتك اللى بتقع فيها مره وإتنين وتلاتة وسبعة..مغلوب منها وعبد ليها...ماتفشلش..إتقابل معاه..هو قاعد على بير المايه ومستنيك..عايز يديك ماية حية وماتعطش..!  !* المولود أعمى..بيقولك: مهما وصلتك خطيتك للعمى الكُلى وشالت منك قرنيتك ومابقاش فيه ذرة أمل..ماتيأسش..نادى عليه جوه قلبك هو سامع آهات قلبك ومستنيك..عايز يعمل بيك أعجوبة وقادر يخلق عيون جديدة تنور قلبك وماتهلكش..!  +قد إيه واعية ياكنيستى وعظيمة...! مايفوتش عليكِ صيام من غير ماتعلمى أولادك طريق التوبة يبقى إزاى..وتمسكِ بإيديهم وتمشى بيهم..من الأرض لحد باب السما..! وما ننساش المقولة أن الصوم الكبير ..ده خزين روحياتنا فى السنة كلهــــــــــــــــــا..! إلحق صوم وخزن..! 
|
|
23 - 02 - 2018, 11:01 AM
|
رقم المشاركة : ( 2 ) | ||||
|
† Admin Woman †
|
رد: اكيد هتلاقى نفسك فى واحد فيهم (اسابيع الصوم الكبير )
أن الصوم الكبير ..ده خزين روحياتنا فى السنة كلهــــــــــــــــــا..!
إلحق صوم وخزن..! في منتهى الجمال يا قمر ربنا يباركك |
||||
|
|
|
23 - 02 - 2018, 08:42 PM
|
رقم المشاركة : ( 3 ) | ||||
|
..::| الإدارة العامة |::..
|
رد: اكيد هتلاقى نفسك فى واحد فيهم (اسابيع الصوم الكبير )
ميرسى على مرورك الغالى مرمر  |
||||
|
|
 |
|
العرض العادي
