منتدى الفرح المسيحى - الاجتهاد في الحياة الروحية مش رفاهية

https://upload.chjoy.com/uploads/171169444704991.jpg

بتشتكي إنك فاتر روحيًا😴،
أو إنك بتُقع في الخطية كتير🤕،
أو إنك مش قادر تعرف مشيئة الله في حياتك🥺
مع إنك بتصلي و بتقرأ الكتاب وبتروح الكنيسة!
محتار ومش عارف السبب؟🤔
في الحقيقة مش كفاية إنك تعمل دا كله🫣

في أعمال ٢ بنقرأ عن المؤمنين "وَكَانُوا يُواظِبُونَ عَلَى تَعْلِيمِ الرُّسُلِ
، وَالشَّرِكَةِ، وَكَسْرِ الْخُبْزِ، وَالصَّلَوَاتِ." (أعمال الرسل ٢: ٤٢)

عرفت السر فين؟ 🤔
السر في كلمة "يواظبون" 👌✅

في الحقيقة مش كفاية إنك تقرأ أو تدرس الكتاب
لما يكون عندك وقت أو مزاج تعمل كده👎،
ولا كفاية إنك تصلى لما يكون عندك مشكلة أو إمتحان🤏 ،
أو تروح الكنيسة وتكون في شركة مع المؤمنين
لما يكون فيه حدث مهم أو عيد.🎈🎊

الاجتهاد في الحياة الروحية مش رفاهية🏃
، الأمور الروحية محتاجة مواظبة
وتكون عادة عندك علشان تعرف تعيش حياة روحية صحيحة.👍

📌 نشجعك إنك تكون بتقرأ وتدرس الكتاب المقدس📖
وتصلي كل يوم🙏 ،
وتكون في شركة مع إخواتك المؤمنين دايمًا 👥
، ساعتها هتنمو وتكبر روحيًا وتكون حياتك الروحية قوية
زي مؤمنين الكنيسة الأولى. 👌